Կատալոնական «Բարսելոնան» Պամպլոնայում դժվարին հաղթանակ տոնեց տեղի «Օսասունայի» նկատմամբ:
Հանդիպման սկզբնամասը այնքան էլ ակտիվ չէր ընթանում: Ինչպես միշտ «Բարսան» գնդակն էր խաղարկում, իսկ «Օսասունայի» կողմից ոչինչ տեղի չեր ունենում:
Ոչինչ չձեռնարկող «Օսասունան» 16-րդ րոպեին բացեց խաղի հաշիվը` գոլի հեղինակը Խոսեբան էր:
«Բարսան» անմիջապես փորձեց վերականգնել խաղի հաշիվը: 25-րդ րոպեին Ալեքսիս Սանչեսը հիանալի փոխանցում կատարեց դեպի Անդրես Ինիեստան, սակայն «Բարսայի» կիսապաշտպանը ազատ դարպասը չկարողացավ գրավել:
Առաջին խաղակեսում տան տերերը հաղթանակով ուղևորվեցին դեպի հանդերձարան:
Երկրորդ խաղակեսում «Բարսան» ավելացնում էր ճնշումը, սակայն «Օսասունայի» ֆուտբոլիստները դիմանում էին:
Կրքերը այնքան էին թեժացել, որ հանդիպման 68-րդ րոպեին հանդիպման գլխավոր մրցավարը հեռացրեց խաղադաշտից «Բարսայի» գլխավոր մարզիչ Տիտո Վիլանովային:
Վերջի վերջո հանդիպման 74-րդ րոպեին Լեո Մեսսին հավասարեցրեց խաղի հաշիվը, իսկ ընդհամենը 4 րոպե անց «Բարսայի» արգենտինացի տաղանդը հաղթանակ պարգևեց իր թիմին:
Ավելացնենք, որ հանդիպման 89-րդ րոպեին թեթև վնասվածք ստացավ «Բարսայի» ավագ Կառլես Պույոլը: