Կատալոնական «Բարսելոնայի» մարզական տնօրեն Անդոնի Սուբիսարետան մամլո ասուլիսի ժամանակ անդրադարձել է մի շարք կարևոր խնդիրների, այդ թվում՝ Կարլես Պույոլի և Քրիստիան Տելյոյի պայմանագրերի ժամկետների երկարաձգմանը, ինչպես նաև խոսել է դարավոր հակառակորդի` Մադրիդի «Ռեալի» մասին։
«Կա շատ մեծ հավանականություն, որ Կարլեսը կերկարաձգի պայմանգիրը: Բոլորն էլ դա են ցանկանում։ Երբ ամեն ինչ որոշվի, մենք կանենք պաշտոնական հայտարարություն։
Ես լավատեսորեն եմ տրամադրված Տելյոյի պայմանագրի հարցում։ Թիմի գլխավոր մարզիչ Տիտո Վիլանովան ցանկանում է, որ նա մնա ակումբում, այնպես որ հուսով եմ, որ մենք կարող ենք ավարտին հասցնել գործարքը։
Ինչ վերաբերում է Մադրիդի «Ռեալին», ապա ասեմ, որ այն միշտ էլ եղել է մեծագույն ակումբ, նրանք միշտ էլ եղել են բոլոր առումներով մեծ ակումբ, ունեն շատ ուժեղ և մրցունակ թիմ», – ասել է Սուբիսարետան։
Աղբյուրը` AS.com
|
