Քիչ առաջ «Կամպ Նոու» մարզադաշտում «Բարսան» 5-1 հաշվով ջախջախեց «Ռեալ Սոսյեդադին»:
Առաջին խաղակեսի արդեն 4-րդ րոպեին «Բարսայի» ավագ Կառլես Պույոլը գլխի հարվածով բացեց խաղի հաշիվը՝ 1-0:
5 րոպե անց հյուրերը հավասարեցրեցին խաղի հաշիվը, գոլի հեղինակն էր Գոնսալո Կաստրոն:
Սակայն «Բարսան» համաձայն չէր այդ հաշվի հետ և ընդհամենը 2 րոպե անց Լեո Մեսսին գեղեցիկ գոլի հեղինակ է դառնում՝ առաջ մղելով իր թիմին:
Եվս 3 րոպե անց Լեո Մեսսին դառնում է դուբլի հեղինակ՝ 3-1:
Առաջին խաղակեսի վերջնամասում Պեդրո Ռոդրիգեսը հաշիվը դարձրեց 4-1 և թիմերը գնացին ընդմիջման:
Երկրորդ խաղակեսի սկզբնամասում գոլեր չեղան, միայն հանդիպման 84-րդ րոպեին վնասվածքից վերականգնված Դավիդ Վիլյան հաշիվը դարձնում է 5-1:
