Գլխավոր էջ » 2012 » Օգոստոս » 16 » Դել Բոսկե. «Մեր կողմից կար հակառակորդի ուժերի թերագնահատում»
13:00
Դել Բոսկե. «Մեր կողմից կար հակառակորդի ուժերի թերագնահատում»
Իսպանիայի ազգային հավաքականի գլխավոր մարզիչ Վիսենտե դել Բոսկեն օգոստոսի 15-ին կայացած ընկերական հանդիպումից հետո խոսել է հանդիպման արդյունքների մասին:

Ծանր հանդիպում

«Խաղը շատ ծանր էր: Մենք հարկադրված էինք հարմարվել որոշ հանգամանքների։ Խաղացողները դեռ այդքան էլ լավ մարզավիճակում չեն, գումարած դրան՝ հանդիպումն անցավ սաստիկ շոգի պայմաններում: Սա արդարացում չէ, սակայն պետք է ընդունել, որ դա մեզ խանգարում էր, հավաքականի մոտ շատ բան չէր ստացվում:

Խուանֆրանի ծանր վնասվածքը

Ամենացավալին Խուանֆրանի վնասվածքն է: Նա վնասվածք է ստացել աջ ոտքի ծնկի մասում: Շատ եմ ցավում նրա համար: Բժիշկները ավելի ստույգ պատասխան կտան Մադրիդում: Մյուս խաղացողները լավ վիճակում են:

Ու նորից մրցակցի թերագնահատում

Մեր կողմից կար հակառակորդի ուժերի թերագնահատում: Սա էլ պետք է ընդունել: Բայց պետք է ասեմ, որ հիմա պետք չէ ոչ մեկին թերագնահատել: Աշխարհի և Եվրոպայի չեմպիոնների տիտղոսները ստիպում են մեզ պահել հավաքականի հեղինակությունն ավելին, քան երբեք», – եզրափակել է դել Բոսկեն:

Աղբյուրը` AS.com

Կատեգորիա: Մամուլի ասուլիսներ և հարցազրույցներ | Դիտումներ: 259 | Ավելացրեց: Մեսսի2013