Պույոլ. «Քրտնաջան աշխատանքից հետո վերադարձա խաղադաշտ»
Կատալոնական «Բարսելոնայի» ավագ Կարլես Պույոլը մեծ քայլ կատարեց երեկ կայացած հանդիպման ընթացքում: Վնասվածքից հետո առաջին անգամ խաղադաշտ դուրս եկած պաշտպանը իրեն շատ լավ դրսևորեց:
Ինչպես հաղորդում է Goal.com-ը, կատալոնական «Բարսելոնայի» կենտրոնական պաշտպան Կարլես Պույոլը խոսել է ծնկի վնասվածքից հետո իր ապաքինման մասին։
«Արդեն երկու շաբաթ է, ինչ մարզվում եմ թիմի հետ: Ամեն օր փորձում եմ ավելի լավացնել ֆիզիկական որակներս, որպեսզի խուսափեմ ծնկի հետ հնարավոր խնդիրներից։ Օրեցօր ինձ ավելի լավ եմ զգում։
Վիրահատությունից հետո միշտ անհարմարություն ես զգում, սակայն իմ մոտ ամեն ինչ լավ է։ Քրտնաջան աշխատանքս գնահատվեց և ես հիմա լիովին պատրաստ եմ:
Այնպիսի հանդիպումները, ինչպիսին «ՊՍԺ»-ի հետ խաղն է, լավ հնարավորություն է ընձեռնում լավ մարզավիճակ ձեռք բերելու համար: Մենք հանդիպում էինք այն թիմի հետ, որը ձեռնոց է նետել ամբողջ Եվրոպային», – հայտարարել է «Բարսելոնայի» ավագը:
