Ռիո դե Ժանեիրոյում «Բարսայի» կազմակերպած ճամբարին մասնակցել է Գաբրիել անունով մի տղա, ով ծնվել է առանց ոտքերի:
«Նրա կիրքը ֆուտբոլն է ու մեր ակումբը: Միակ բանը, որ մենք արել ենք, դա այն է, որ թույլ ենք տվել նրան մասնակցել ճամբարին ու հաճույք ստանալ թե՛ իրենից, թե՛ ֆուտբոլից»,- ասել է FCBEscola-ի տնօրեն Խավի Մերսեն:
11-ամյա Գաբրիելը «Բարսելոնայի» մեծ երկրպագու է ու ակտիվ մասնակցություն է ունեցել ճամբարում: Երբ ակումբը իմացել է Գաբրիելի դեպքի մասին, միանգամից նրան հրավիրել է մասնակցել ճամբարին: Այս քայլի մասին դրական է արտահայտվել նաև Դեկուն, ով այցելել է ճամբարում գտնվող 90 երեխաներին՝ կիսելով նրանց հետ իր փորձն ու հմտությունները:
Չնայած ֆիզիկական խնդիրներին, Գաբրիելն այս օրերի ընթացքում ցույց է տվել, որ կարող է դրանք հաղթահարել, և բոլոր մարզիչներն ու մյուս երեխաները շատ տպավորված են եղել նրա՝ վազելու, ցատկելու, հարվածելու, գնդակը վարելու ունակություններից: Գաբրիելի հետ ճամբար էին եկել նաև նրա ընկերները՝ Ջոելն ու Ռոմարինյոն՝ Դեկուի որդին: