Կատալոնական «Բարսելոնան» իր մինչմրցաշրջանային մարզումները սկսել է հուլիսի 16-ից: Բուժզննումից հետո ֆուտբոլիստները սկսեցին իրենց մարզումները: Թիմի հետ մարզվում էին նաև «Բարսելոնա» Բ-ի ֆուտբոլիստներից մի քանիսը:
Երկուշաբթի: Բուժզննում
Տիտո Վիլանովայի գլխավորությամբ թիմը ժամանեց Բարսա և բուժզննման ենթարկվեց: Հաջորդ օրը թիմին միացել էր նաև «Բարսելոնայի» Ֆրանսիացի պաշտպան Էրիկ Աբիդալը, ով ողջունեց իր թիմակիցներին և շփվեց Անդոնի Սուբիսարետայի հետ:
Երեքշաբթի: Առաջին մարզումը Տիտո Վիլանովայի գլխավորությամբ
Տիտո Վիլանովայի սաները երեքշաբթի օրը պատրաստվել էին միանգամից 2 մարզման: Առաջին մարզումը տեղի ունեցավ Երևանյան ժամանակով 11:00-ին, իսկ երկրորդը` 21:00-ին, արդեն փակ դռների ներքո: 
Ուրախալի լուրերից մեկը դարձավ Վիլյայի վերադարձը: Բժիշների ներկայությամբ մարզվեցին Դանի Ալվեշը և Ֆոնտասը: Այդ ընթացքում Իսաակ Կուենկան մարզվում էր մարզադահլիճում: Տիագո Ալկանտարան շարունակում էր իր վերականգնողական մարզումները: «Բարսելոնայի» հետ մարզվեցին «Բարսելոնա» Բ-ի 8 ֆուտբոլիստներ: Օյերը, Սերխի Գոմեսը, Պլանասը, Սերխի Ռոբերտոն, Իլիեն, Ռաֆինյան, Կիկո Ֆեմենիան և Լոբատոն:
Երկուշաբթի: Երկրորդ մարզումը
Թիմը շարունակեց իր մարզումները անչափ շոգ եղանակի ներքո: Վիլյան, Դանին և Ֆոնտասը մարզվեցին բժիշկների ներկայությամբ: Տիագոն և Կուենկան մարզվեցին մարզասրահում: 
Հինգշաբթի: Ընդհամենը մեկ մարզում
Տիտո Վիլանովայի սաները հիգշաբթի օրվա ընթացքում անցկացրեցին ընդհամենը մեկ մարզում: Երեկոյան ֆուտբոլիստներին հանգիստ էր տրվել: Մարզչի տրամադրության տակ կար 20 ֆուտբոլիստ. 12-ը գլխավոր թիմից էին, իսկ 8-ը «Բարսելոնա» Բ-ից:
Ուրբաթ: Չորս դարպասապահ
Ուրբաթ օրը «Բարսելոնան» անցկացրեց ևս երկու մարզում. Առավոտյան մարզմանը մասնակցում էին 21, իսկ երեկոյան` 19 ֆուտբոլիստ: Մարզմանը չմասնակցեց Կիկոն մկանային ծանրաբեռնվածության պատճառով: Դանի Ալվեշն էլ, իր հերթին, մարզվեց թիմի հետ: 
Շաբաթ: վերջին մարզումը
Վերջին մարզմանը մասնակցում էին 19 ֆուտբոլիստ: Մարզմանը չմասնակցեցին Կիկո Ֆեմենիան, Տիագոն և Կուենկան: 
Կիրակի օրը թիմը հանգստանում է: Տիտո Վիլանովայի սաները մարզումներին կմիանան երկուշաբթի օրը:
| 
