«Բարսան» մրցաշրջանը ռեկորդային շահույթով է ավարտել
Կատալոնական «Բարսելոնան» անցած մրցաշրջանն ավարտել է ռեկորդային շահույթով: Շահույթը կազմել է 48.8 մլն եվրո:
Կատալոնական ակումբի ֆինանսական բաժնի ներկայացրած զեկույցում նշվում է, որ անցած մրցաշրջանում թիմի եկամուտը կազմել է 494.9 մլն, որը 21.5 միլիոնով գերազանցում է նախորդ տարվա ցուցանիշը:
Ծախսերն անցած տարվա համեմատ կրճատվել են 31.5 միլիոնով (6,6%)` կազմելով 441.1 մլն եվրո:
Անցած մրցաշրջանի արդյունքում թիմի պարտքը կրճատվել է 30 մլն եվրոյով և այժմ կազմում է 335 մլն: Նշենք, որ մինչև Սանդրո Ռոսսելի` ակումբի նախագահի պաշտոնը ստանձնելը, կապտանռնագույների պարտքի չափը 420 մլն եվրո էր:
