Գլխավոր էջ » 2012 » Հուլիս » 16 » Իսպանիայի մինչև 19 տարեկանների հավաքականը դարձավ Եվրոպայի չեմպիոն
13:52
Իսպանիայի մինչև 19 տարեկանների հավաքականը դարձավ Եվրոպայի չեմպիոն
Իսպանիայի մինչև 19 տարեկանների հավաքականը երկրորդ անգամ անընդմեջ հռչակվեց Եվրոպայի չեմպիոն:
Եզրափակչում «Կարմիր Ֆուրիան» մրցում էր «Հելլենների»՝ Հույնների հետ: «Կատաղած ցլերի»` «Եվրո 2012»-ում հաղթանակներից ոգևորված մինչև 19 տարեկանների հավաքականը հաղթեց Հունաստանի մինչ 19 տարեկանների հավաքականին 1:0 հաշվով:
Հաղթական գնդակը հանդիպման 79-րդ րոպեին խփեց Մադրիդի «Ռեալի» եզրային կիսապաշտպան Խեսե Ռոդրիգեսը: Հանդիպման աստղերից էր նաև Դեուլոֆեուն, ով հանդիսանում է Կատալոնական «Բարսելոնայի» ֆուտբոլիստը:
Հիշեցնենք, որ Իսպանիան էլիտ ռաունդում Հայաստանի հավաքականի մրցակիցն էր և դժվար հաղթանակ տարավ մեր նկատմամբ: Մերոնք մայիսին կայացած խաղում 1:2 հաշվով պարտվեցին Եվրոպայի ապագա չեմպիոններին` վճռական գոլը բաց թողնելով մրցավարի ավելացրած ժամանակում:
