Ինչպես հաղորդում է Goal.com-ը, Կատալոնական «Բարսելոնայի» Արգենտինացի հարձակվող Լիոնել Մեսսին պատմել է, որ երբ նոր էր տեղափոխվել «Բարսելոնա», թիմակիցները կարծել են, որ ինքը համր է:
«Սեսկը մի օր ինձ պատմեց, որ երբ ես նոր էի եկել Լա Մասիա, իրենք կարծել են, որ ես համր եմ, քանի որ շատ սուսուփուս էի իմ գործողություններում։ Փոքր ժամանակ ես իրոք բոլորի մոտ համրի տպավորություն եմ թողել: Հիմա ես ավելի բաց եմ, և այնքան էլ ամաչկոտ չեմ հանդերձարանում, որքան նախկինում», – ասել է Արգենտինացին։
Նա խոստովանել է նաև, որ «Եվրո 2012»-ի ժամանակ քիչ խաղեր է դիտել, ինչպես նաև շնորհակալություն է հայտնել Նեյմարին, ով իրեն անվանել է աշխարհի լավագույն ֆուտբոլիստ։
«Շատ շնորհակալ եմ Նեյմարին մեկնաբանությունների համար։ Միշտ հաճելի է, երբ նման բան լսում ես մեկ այլ խաղացողից», – ասել է Մեսսին։
Աղբյուրը` http://www.goal.com/en-gb/news/3277/la-liga/2012/07/14/3241606/messi-my-barcelona-team-mates-thought-i-was-dumb-when-we
|
