Ինիեստա. «Պետք չէ Տիտոյին համեմատել Գվարդիոլայի հետ»
Կատալոնական «Բարսելոնայի» և Իսպանիայի հավաքականի կիսապաշտպան Անդրես Ինիեստան հայտարարել է, որ պետք չէ թիմի այժմյա գլխավոր մարզչին համեմատել նախկին մարզչի` Պեպ Գվարդիոլայի հետ:
«Անհարմար իրավիճակ մի ստեղծեք: Ավելի լավ է սկսենք ամեն ինչ սկզցից: Եկեք խոսակցությունները դնենք մի կողմ, որովհետև դրանից Տիտոն իրեն ավելի վատ կզգա: Ծանրաբեռնվածությունը շատ վատ բան է և եթե մարդ սկսում է զգալ այդ ամենը իր մարմնի վրա, ապա նա հայտնվում է շատ վատ վիճակում:
Պարզ է, որ ակումբի փիլիսոփայությունը չի փոխվի, բայց դա չի նշանակում, որ Տիտոն շարժվելու է Պեպի հետքերով: Վիլանովան ունի նոր մտահաղացումներ և ցանկանում է դրանք իրագործել:
Տիտոն պետք է ստեղծի նոր «Բարսա», այլ ոչ թե նմանակի Պեպի «Բարսային»: Նա նոր մարզիչ է: Նրան ժամանակ է պետք, որպեսզի ցույց տա իր կարողությունները»,-եզրափակել է Անդրես Ինիեստան:
