Ինչպես հաղորդում է ESPN-ը, Լոնդոնի «Տոտենհեմի» գլխավոր մարզիչ Հարի Ռեդնապը հերքել է այն լուրերը, թե Ուելսցի կիսապաշտպան Գարեթ Բեյլն ամռանը տեղափոխվելու է Կատալոնական «Բարսելոնա»։
«Ես զարմանում եմ, թե ոնց են նրանք այդպիսի բաներ մտածում և հրապարակում: Ես ոչինչ չգիտեմ այդ մասին, սակայն վստահ եմ, որ դա լրատվամիջոցների
հորինած հերթական սուտն է: Ոչ մի թիմ շանս չունի գնելու Բեյլին: Ես նույնիսկ չեմ էլ մտածում Բեյլին վաճառելու մասին»,-ասել է Ռեդնապը:
Ավելի վաղ Իսպանական Marca-ն
հայտնել էր, որ 22-ամյա Բեյլն ամառային տրանսֆերային պատուհանի ժամանակ 40
միլիոն եվրոյով տեղափոխվելու է «Բարսելոնա» եւ կնքելու է հինգ տարվա
պայմանագիր։
65-ամյա մասնագետին չի անհանգստացնում Բեյլի հայտարարությունը, թե ինքը
կհեռանա «Տոտենհեմից», եթե թիմը չկարողանա Չեմպիոնների լիգայի ուղեգիր ձեռք
բերել։
«Իրավիճակը շատ է չափազանցածված։ Երբ Բեյլը տեղափոխվեց «Տոտենհեմ», մենք
չէինք մասնակցում Չեմպիոնների լիգային։ Երբ մեզ միացավ Լուկա Մոդրիչը, նա
նույնպես անծանոթ էր Չեմպիոնների լիգային։ Նրանք երկուսն է Լոնդոն են
տեղափոխվել, քանի որ «Տոտենհեմը» բարձրակարգ ակումբ է»,- նշել է Ռեդնապը։
| 
