Գլխավոր էջ » 2012 » Ապրիլ » 28 » Ֆուտբոլային լեգենդների կարծիքները
13:57
Ֆուտբոլային լեգենդների կարծիքները
Կատալոնական «Բարսելոնայի» գլխավոր մարզիչ Պեպ Գվարդիոլայի հրաժարականի փաստը ցնցեց ամբողջ ֆուտբոլային աշխարհին:

Նրանք, ովքեր նույնիսկ չէին էլ երկրպագում «Բարսային», արցունքներով ճանապարհեցին կենդանի լեգենդին:

Պեպի մասին արդեն հասցրել են խոսել Արսեն Վենգերը, Խրիստո Ստոյչկովը և Վիսենտե դել Բոսկեն:

«Ժամանակակից ֆուտբոլում «Բարսելոնայի» փիլիսոփայությունը մնում է ամենահզորը: Այդ փիլիսոփայությունը Կատալոնական ակումբին թույլ տվեց հաղթանակած քայլել ամբողջ աշխարհում:


Ես չէի ցանկանա, որ Գվարդիոլան լքեր ակումբը, բայց ես հարգում եմ նրա որոշումը եւ հասկանում եմ նրան: Հնարավոր չէ մշտապես աշխատել մեկ շնչով: Կողքից սթրեսը չի երևում: Գվարդիոլան իմ իմացած մարզիչներից մեծագույնն է: Հուսով եմ` մեկ տարի հետո նա կվերադառնա եւ կշարունակի իր հրաշալի աշխատանքը»,-ասել է Վենգերը:


«Այսօր տխուր օր էր բոլորի համար: Տրամադրության անկում ունեցա, երբ հասկացա, որ Պեպն արդեն հեռացել է: Հեռանում է «Բարսելոնայի» լեգենդը, Յոհան  Կրուիֆֆի  ժամանակաշրջանի վերջին մոհիկանը: Բացառված չէ, որ Գվարդիոլան չէր զգում ակումբի սերը անհրաժեշտ չափով: Ամեն դեպքում «Բարսելոնան» աշխարհի լավագույն թիմն է»,-ասել է Խրիստո Ստոյչկովը:


«Դա Պեպի գործն է: Ես նրան հասկանում եմ և ամենալավ բաներն եմ մաղթում: Մնացածներին մնում է միայն համակերպվել դրա հետ, քանի որ Խոսեպը միայն սրտանց է ամեն ինչ անում: Նա ծանրութեթև է արել և որոշել է, թե ինչպես լավ կլինի իր և թիմի համար: Իսկ ինչ վերաբերում է Տիտո Վիլանովայի նշանակմանը, ապա ես այդ մարդը չեմ, որ պետք է ակումբների ներքին գործերի վերաբերյալ գնահատականներ տա»,-եզրափակել է Վիսենտե դել Բոսկեն:

Կատեգորիա: Նորություններ | Դիտումներ: 830 | Ավելացրեց: Մեսսի2013