Ինչպես հաղորդում է Ֆրանսիական lequipe-ն, Կատալոնական «Բարսելոնայի» կիսապաշտպան Չավի Հերնանդեսը մեկնաբանել է այսօրվա «Էլ Կլասսիկոն»:
«Եթե մենք հաղթենք, ապա կնվաճենք չեմպիոնի տիտղոսը: Այս հանդիպումն իսկական եզրափակիչ է: Այն ամեն ինչ կորոշի: Եթե մենք
հաղթենք, ապա կնվաճենք չեմպիոնի տիտղոսը, ես վստահ եմ: Եթե հաղթի «Ռեալը»,
ապա մեզ համար ամեն ինչ ավարտված կլինի առաջնությունում:
Բայց մենք գրեթե հասել ենք նրանց մրցաշրջանի վերջում: Շատ ցավալի կլինի,
եթե բաց թողնենք հաղթանակը: Մեր ճակատագիրը միայն մեր ձեռքերում է: Մենք
սովորականից ավելի շատ ու ավելի լավ կգրոհենք և կաշխատենք հաղթել:
Մեզ հետ հանդիպումներում «Ռեալը» հաճախ է փոխել մարտավարությունը, բայց մենք միշտ խաղացել ենք նույն ֆուտբոլը եւ հաղթել ենք նրանց:
Չավին նաև խոստովանել է, որ համարվել է թիմի ամենաանօգտակար խաղացողներից մեկը,
մինչեւ գլխավոր մարզչի պաշտոնը չի զբաղեցրել Խոսեպ Գվարդիոլան:
«Ռայկարդը չէր հավատում ինձ: Նա ցանկանում էր, որ խաղի հիմքում լինի
ֆիզիկական պատրաստականություն: Նա հավատում էր, որ դա միակ միջոցն է
Եվրոպայի ուժեղագույն ակումբների մակարդակին հասնելու համար: 4-5 տարի առաջ ես համարվում էի թիմի համար անօգտակար ֆուտբոլիստ: Ես «Բարսելոնայի» չարորակ ուռուցքն էի: 170 սմ հասակով ֆուտբոլիստը միայն խանգարում էր թիմին»,-եզրակել է Չավին: