Կատալոնական «Բարսելոնայի» կիսապաշտպան Ֆրանչեսկ Ֆաբրեգասը Լոնդոնյան The Guardian-ին տված հարցազրույցում պատմել է թիմի և իր ներկայի մասին:
«Մարզումների ժամանակ միշտ ապշում եմ, որովհետև մթնոլորտը գերգերազանց է: Բոլորը համեստ են և գիտեն իրենց տեղը: Հրաշալի ֆուտբոլիստների շրջապատում միշտ էլ հաճելի է մարզվել: Անկեղծ ասաց «Արսենալում» մարզումները այլ կերպ էին ընթանում: Հանգստի օրերն ավելի քիչ էին: «Բարսան» այլ փիլիսոփայությամբ է շարժվում: Այստեղ բոլորը ցանկանում են նվաճել բարձրունքներ: Յուրաքանչյուրը մտածում է, արդյոք նա լավ խաղաց, թե ոչ: «Բարսելոնայի» ոճին ամեն մեկը չէ, որ կկարողանա հարմարվել: Նույնիսկ ես, երբ մարզվում էի «Բարսելոնայի» մանկապատանեկան թիմում, ժամանակի ընթացքում նոր կարողացա հարմարվել թիմի խաղին: Սիրում եմ «Էլ Կլասսիկոները»: Արդեն հասցրել եմ մասնակցել 3 հանդիպման: Ուրախ էի դեկտեմբերի 11-ի հանդիպման ժամանակ: Ինձ այդ օրը շատ օգնեց Պեպ Գվարդիոլան: Նա շատ լավ մարզիչ է, բայց պահանջկոտ: Նա նաև ճակատին ասող է: Երբ ինչ-որ մի բան լավ չես անում, նա ասում է»,-եզրափակել է Ֆաբրեգասը:
