Ինչպես հաղորդում է The Independent-ը, Կատալոնական «Բարսելոնայի» կիսապաշտպան Ֆրանչեսկ Ֆաբրեգասը հայտարարել է, որ չի ցանկանում Կատալոնիա կանչել իր նախկին թիմակից Վան Պերսիին:
«Ես նրա հետ խոսել եմ, սակայն ոչ մի խոսք չի գնացել «Բարսելոնա» տեղափոխվելու մասին: Վան Պերսին այժմ «Արսենալի» ֆուտբոլիստ է և հենց ինքն է որոշում, թե որտեղ շարունակի իր կարիերան: Ցանկանում եմ նրան հաջողություն ապագա որոշումների մեջ»,-ասել է Ֆաբրեգասը:
Ֆուտբոլիստը խոսել է նաև «Բարսելոնայի» գլխավոր մարզիչ Պեպ Գվարդիոլայի մասին.
«Ցանկանում ենք , որ թիմի գլխավոր մարզչի պաշտոնում մնա Պեպ Գվարդիոլան: Առանց Պեպի «Բարսելոնան» ուրիշ կերպ կդիտվի: Նա է ստեղծել այդ «Բարսան» և նա էլ պետք է շարունակի գլխավորել այն: Պարզ է, որ մինչ կյանքի վերջ նա չի մնա այս պաշտոնում, սակայն հիմա նրա հեռանալը անիմաստ կլինի»,-եզրփակել է Ֆաբրեգասը: