Քիչ առաջ ավարտվեց Չեմպիոնների լիգայի 1/8-րդ եզրափակիչ փուլի «Բայեր Լևերկուզեն» - «Բարսելոնա» հանդիպումը, որտեղ հաղթանակ կորզեցին հյուրերը: Հանդիպման հերոսներ դարձան Չիլիացի կիսապաշտպան Ալեքսիս Սանչեսը և արգենտինացի հարձակվող Լեոնել Մեսսին: «Բայերի» միակ գոլի հեղինակ դարձավ Վ. Կադլեցը, ով երկրորդ խաղակեսի առաջին րոպեներին անակնկալի բերեց Վիկտոր Վալդեսին: Հիշեցնենք, որ պատասխան հանդիպումը տեղի է ունենալու մարտի 7-ին, «Նոու Կամպ» մարզադաշտում:
