«Բարսելոնայի» դարպասապահ Վիկտոր Վալդեսը անկեղծացել է մամլո ասուլիսի ժամանակ: «Եկեք ռեալ դատենք: Դժվար թե «Բարսան» կարողանա շրջանցել Մադրիդյան ակումբին: Դա փաստ է, սակայն չի նշանակում, որ մենք մեր զենքերը վայր ենք դնում: Մենք դեռ չենք պարտվել և հույս ունենք հաղթելու: Եթե մենք էլ մեր հույսը կտրենք, ապա ով գա և մեր տեղը խաղա մարզադաշտում: Մրցավարությունից չեմ դժգոհում: Չեմ սիրում ամեն ինչ բարդել նրանց վրա: Մենք էլ ունենք մեր մեղքի բաժինը: Երեքշաբթի օրը ունենք հանդիպում: Շատ մեծ պատասխանատվությամբ ենք մոտենալու այդ խաղին»,-եզրափակել է Վիկտոր Վալդեսը: