 Այսօր երեկոյան, ժամը 23:00-ին տեղի կունենան իսպանիայի առաջնության 23-րդ տուրի հետևյալ հանդիպումները.`
«Ռասինգ»-«Ատլետիկո Մ.»
«Էլ Սարդիներո» մարզադաշտ 21:00
«Օսասունա»-«Բարսելոնա»
«Ռեյնո դե Նավարա» մարզադաշտ 23:00
«Բետիս»-«Ատլետիկ»
«Բենիտո Վիլյամարին» 01:00
Նշենք, որ Կատալոնական «Բարսելոնայի» մրցակից «Ռեալ Մադրիդը» «Սանտիագո Բեռնաբեու»-ում իր հանդիպումը կանցկացնի «Լևանտե»-ի հետ վաղը ժամը 00:30-ին:
Խաղից առաջ Կատալոնական «Բարսելոնայի» գլխավոր մարզիչ Խոսեպ Գվարդիոլան կիսվել է լրագրողների հետ:
Գվարդիոլան նշել է, որ թիմը գտնվում է ծայրահեղ բարդ իրավիճակում, սակայն վերջինս համոզված է, որ իր սաները զենքերը վայր չեն դնելու և պայքարելու են մինչ վերջին տուրը:
«Առաջիկա հանդիպումը շատ դժվար է լինելու «Բարսայի» համար, որովհետև թիմը հյուրընկալվելու է: «Օսասունայի» մարզադաշտում մեզ համար միշտ բարդ է եղել»,-ասել է Գվարդիոլան:
Ինչ վերաբերվում է թիմի վնասվածք ստացած ֆուտբոլիստներին, ապա նշենք, որ Պեդրոն արդեն իսկ կարող է ապաքինված համարվել, սակայն Սերխիո Բուսկեթսի մասին մի փոքր ինչ դժվար է եզրակացություններ կայացնել:
«Կարերը կարող են քանդվել հենց խաղի ժամանակ, այնպես որ պետք չէ այսօր հույսը դնել Բուսկեթսի վրա»,-ասել է թիմի բժիշկը:
Թիմը այսօր ներկայանալու է հետևյալ ֆուտբոլիստների կազմով.`
Դարպասապահներ - Վիկտոր Վալդես, Պինտո
Պաշտպաններ - Ադրիանո, Աբիդալ, Մասկերանո, Պույոլ, Պիկե, Ալվես
Կիսապաշտպաններ - Չավի, Ինիեստա, Ֆաբրեգաս, դոս Սանթոս, Տիագո, Ռոբերտո
Հարձակվողներ - Լեո Մեսսի, Ալեքսիս Սանչես, Պեդրո, Կուենկա, Տելյո |
