Կատալոնական «Բարսելոնայի» կիսապաշտպան Անդրես Ինիեստան մեկնաբանել է երեկվա խաղը. «Հակառակորդին միշտ էլ պետք է հարգանքով վերաբերվել: Այլ կարծիք չի կարող լինել, ես դա չեմ կարող հասկանալ: Պեպեն սխալ է եղել, որ Մեսսիի հետ այդպիսի վերաբերմունք է ցույց տվել: Ինչ վերաբերվում է խաղին, ապա մենք արեցինք այն, ինչ մեզ էր թելադրված: Անչափ դժվար խաղ էր, սակայն «Ռեալը» չհանձնվեց»,-եզրափակել է Անդրես Ինիեստան:
Խաղը մեկնաբանել է նաև «Ռեալ Մադրիդի» ավագ Իկեր Կասիլյասը. «Լավ սկսեցինք խաղը, սակայն այն վերածվեց քաոսի այն ժամանակ, երբ բաց թողեցինք չարաբաստիկ գնդակը: Մեր միակ նպատակը հաղթահարելն ու առաջ անցնելն է»,-եզրափակել է Մադրիդյան դարպասապահը:
Խաղից հետո խոսել է նաև Էրիկ Աբիդալը, ով դարձել էր հաղթական գոլի հեղինակը. «Սկզբում մի քանի բան մեր մոտ չէր ստացվում, սակայն խաղը կոտրեցինք և հաղթանակը թեքեցինք մեր կողմ: Այն ժամանակ ես գոլի հեղինակ էի դառնում միայն ֆրանսիայի գավաթային խաղերում, սակայն հիմա կարող եմ գլուխ գովել, որ գոլահարել եմ նաև իսպանականում»,-ժպիտով եզրափակել է Էրիկը:
Ֆաբրեգասն էլ ետ չմնաց. «Մենք մեր հակառակորդի համար ծանր իրավիճակ ստեղծեցինք: Այժմյա «Ռեալը» ավելի վտանգավոր է և հանգստանալ չի կարելի»,-եզրափակել է Ֆաբրեգասը:
Ռիկարդո Կարվալյոն ցանկացավ ևս մի քանի բան ավելացնել Կասիլյասի խոսքերին. «Առաջին խաղակեսը մեր համար լավագույններից էր, սակայն ինչպես նշեց Կասիլյասը, Պույոլի խփած գնդակից հետո մենք կոտրվեցինք: «Բարսելոնան» իրեն ավելի վստահ էր զգում, քան մենք»,-եզրափակել է Պորտուգալացին:
|