«Բարսելոնայի» այսօրվա հակառակորդը հանդիսանում է «Օսասունան»: Ինչպես հաղորդում է sport.es-ը, «Օսասունայի» ֆուտբոլիստ Կիկե Սոլան խաղից առաջ իր մեկնաբանություններն է թողել: Չնայած նրան, որ վերջինս վնասվածքի պատճառով բաց է թողնելու հանդիպումը, նա համոզված է, որ «Բարսելոնային» հաղթելու համար պետք է կամքի մեծ ուժ:
- Ինչպե՞ս ես քեզ զգում: - Քիչ-քիչ առողջանում եմ: Կարևորն այն է, որ վնասվածքի պատճառով ցավեր չեմ զգում: Արդեն ժամանակը ցույց կտա: - Ինչ է զգում ֆուտբոլիստը, ով բաց է թողնում այսպիսի խաղ: - Ամեն մի ֆուտբոլիստ էլ կցանկանա պայքարել «Բարսելոնայի» դեմ, այն էլ իրենց դաշտում: «Բարսան» աշխարհի լավագույն թիմն է, բայց ես ցանկանում եմ արագ վերականգնվել: - Ինչ ես մաղթում թիմակիցներիդ: - Ցանկանում եմ կատաղի պայքար: Թիմակիցները պետք է հասկանան, թե ով է «Բարսան»: Կամքի ուժը մեզ կօգնի հաղթահարել «Բարսայի» արգելքը ,- եզրափակել է ֆուտբոլիստը:
|