«Բարսելոնայի» կիսապաշտպան Անդրես Ինյեստան հուսով է, որ 2011 թվականի աշխարհի լավագույն ֆուտբոլիստ է ճանաչվելու իր թիմակիցը:
«Լավագույն եռյակում հայտնվել են աշխարհի ուժեղագույն ֆուտբոլիստները, բայց ես հուսով եմ, որ «Ոսկե գնդակը» բաժին է հասնելու «Բարսելոնայի» խաղացողներից մեկին: Ինչ վերաբերվում է մրցաշրջանի երկրորդ հատվածին, ասեմ, որ մենք նոր ուժով ենք սկսելու այն», - Ինյեստայի խոսքերն է մեջբերում Marca-ն:
Հիշեցնենք, որ 2011 թվականի «Ոսկե գնդակին» հավակնում են Խավին, Մեսսին և Ռոնալդուն: Հաղթողի անունը հայտնի կդառնա հունվարի 9-ին:
|
