«Բարսելոնայի» գլխավոր մարզիչ Պեպ Գվարդիոլան ավելի քան հանգիստ էր և անչափ ուրախ: Ինչպես հաղորդում է «Բարսելոնայի» պաշտոնական կայքը, Գվարդիոլան նշելով, որ «Ռեալ Մադրիդը» իսպանիայի առաջնության ամենածանր մրցակիցն է, ասել է, - Մենք կառավարում էինք խաղի ընթացքը և չեզոքացնում էինք մրցակցի հակագրոհները: Մեր թիմը հիանալի խաղ ցուցադրեց, ես գոհ եմ և հպարտ իմ տղաներով: Խաղից առաջ նրանց ասել էի, որ հաղթանակի համար պետք է քաջություն: Նրանք ապացուցեցին, որ ունեն կամքի ուժ և ես առաջին անգամ չէ, որ դրանում համոզվում եմ, - եզրափակել է Պեպ Գվարդիոլան:
Մադրիդի «Ռեալի» գլխավոր մարզիչ Ժոզե Մոուրինյոն ասել է հետևյալը: «Սա ֆուտբոլ է: Հաշիվը չի հետաքրքում: Հաջողությունը միշտ էլ կարևոր է ֆուտբոլում: Մենք կարող էինք խփել երկրորդ գնդակը և հավասարացնել հաշիվը, սակայն դրա փոխարեն բաց թողեցինք երրորդը: Բոլորը գիտեն, որ Քրիստիանոն շատ լավ ֆուտբոլիստ է և հրաշքներ է գործում խաղադաշտում: Սակայն մեր բախտը չբերեց: Ես հիասթափված, սակայն հանգիստ եմ», - եզրափակել է Ժոզե Մոուրինյոն:
|