Ախորժակը ուտելուց է բացվում. «Ռեալ Մադրիդ» 1:3 «Բարսելոնա»
Երեկ ուշ երեկոյան Իսպանիայի առաջնության գլխավոր հանդիպման ընթացքին հետևում էին միլիոնավոր երկրպագուներ: «Սանտիագո Բեռնաբեու»-ի անձրևը խոչընդոտ չդարձավ, որպիսի մենք դիտենք հիանալի հանդիպումը: Խաղը սկսվեց շատ «հետաքրքիր»: «Բարսելոնան» կարծես թե նոր էր ադապտացվում գնդակին, երբ Կարիմ Բենզեման բացեց հաշիվը: Գվարդիոլայի սաները 20-րդ վայրկյանին գոլ բաց թողնելուց չկորցրեցին ուժերը և հենց հանդիպման 18-րդ րոպեից կարողացան ֆորտունան թեքել դեպի իրենց կողմ: Կատաղի պայքարում բոլոր ֆուտբոլիստները կարող էին վաստակել դեղին քարտեր: Մրցավարի հետ իր դժգոհությունները սկզբից մինչև վերջ տարավ Չիլիացի Ալեքսիս Սանչեսը: Բացառություն չեղավ Լեոնել Մեսսին: Նշենք, որ զարմանալին այն էր, որ խաղի ընթացքում ոչ մի բախում տեղի չունեցավ, ինչին մենք արդեն հետ էինք վարժվել: 30-րդ րոպեին նույն Չիլիացին, ով պայքարում էր ամեն կորցրած գնդակի համար, Լեոնել Մեսսիի հիանալի փոխանցումից հետո կարողացավ հաշիվը հավասարեցնել և կոտրել «Ռեալ Մադրիդի» պաշտպանությունը: «Ռեալ Մադրիդի» ֆուտբոլիստներից ամենալարվածը Իկեր Կասիլյասն էր, ով լինելով փորձառու դարպասապահ, չթողեց «Բարսելոնային» ջաղջախել մադրիդյան թիմին: Երկրորդ խաղակեսը անցավ կատալան ֆուտբոլիստների թելադրած ֆուտբոլով: Ճիշտ է, Պիկեի և Վալդեսի «հնարքներին» արդեն լարվածությամբ էինք նայում, սակայն տղաները նույն սխալը թույլ չտվեցին: 54-րդ րոպեին խառը իրավիճակում գնդակը հայտնվեց Չավի Հերնանդեսի մոտ և իսպանացու հարվածից հետո գնդակը դիպչելով Մարսելոյին, հայտնվում է դարպասում: Հաջորդ գոլը երկար սպասեցնել չտվեց և Դանի Ալվեսի հիանալի փոխանցումից հետո Սեսկ Ֆաբրեգասը հաշիվը դարձրեց 1-3: Նշենք, որ Պեպ Գվարդիոլան ճիշտ էր կազմել մարտավարությունը և Դանի Ալվեսի «կիսապաշտպանական» գործերը հասան արդյունքի: Ինչևէ, «Բարսելոնան» ևս մեկ գեղեցիկ հաղթանակ տարավ և գլխավորեց իսպանիայի առաջնության մրցաշարային աղյուսակը: