Յայա Տուրե.«Ակումբների միջև տարբերությունը ակնհայտ է»
Անգլիական առաջնությունում «Մանչեսթեր Սիթին» երկրպագուների բանակ է հավաքում իր հիանալի խաղի և հաղթանակների շնորհիվ: «Քաղաքացիները» այս տարի կարող են նաև դուրս գալ ՉԼ խմբային փուլ, ինչը դեռ չէր հաջողվում անցյալ տարիներին: Երկրպագուները և ֆուտբոլային մասնագետները արդեն հասցրել են «Մանչեսթեր Սիթին» համեմատել «Բարսելոնայի» հետ, սակայն թիմի կիսապաշտպան Յայա Տուրեն դեռ համաձայն չէ այդ մտքի հետ: «Ակումբների միջև տարբերությունը ակնհայտ է: «Բարսելոնան» վաղուց համարվում էր գրանդ ակումբ: Իսպանական ակումբին հավասարվելու համար մեզ պետք է մի քանի անգամ հաղթել Անգլիայի պրեմիեր լիգան և մի քանի գավաթներ: «Բարսելոնան» թոփ ակումբ է և հավասարվելը նրա հետ մի փոքր շուտ է» ,- Յայա Տուրեի խոսքերն է մեջ բերում ՖԻՖԱ-ի պաշտոնական կայքը: