Գլխավոր էջ » 2011 » Հոկտեմբեր » 11 » Իռլանդական մամուլը Մինասյանին համեմատել է Գվարդիոլայի հետ
21:02
Իռլանդական մամուլը Մինասյանին համեմատել է Գվարդիոլայի հետ
http://nationalidea.am/media/news/11636/TeamRA.jpg

Ինչպես հաղորդում է հայկական «Թերթը», ապագա մրցակցի մասին` կամ լավ բան, կամ ոչինչ: Այս ձևականությունը պահպանում են բոլոր մարզիչներն ու ֆուտբոլիստները` առանց բացառության: Սակայն իռլանդական լրատվամիջոցները «չափն անցել են» Հայաստանի հավաքականի մասին գովեստի խոսքերում: Իռլանդական մամուլը հաճույքով պատմում է Հայաստանի հավաքականի հաջողությունների մասին, հիանում հավաքականի մարզիչ Վարդան Մինասյանով: Ջովաննի Տրապատոնիի հետ համեմատության մեջ, ըստ իռլանդական մամուլի, հայ մասնագետը շահում է ակնհայտ առավելությամբ:
«Բոլոր առումներով հաճելի և համակրելի այս մարզիչը տարեկան ընդամենը 50 հազար եվրո է ստանում (փորձեք համեմատել Տրապատոնիի եկամուտների հետ),- գրում է The Irish Independent-ը: Փոխարենը, նա համարվում է հավաքականների ամենախարիզմատիկ մարզիչների մեկը»:
«Մինասյանն առանձնանում է մանրուքների հանդեպ իր չափազանց մեծ ուշադրությամբ, որով կարող են հպարտանալ միայն Խոսեպ Գվարդիոլան և Ժոզե Մոուրինյոն,- շարունակում է The Irish Examiner-ը: - Սլովակների հանդեպ ջախջախիչ հաղթանակը առաջին հերթին մարզչի հաղթանակն էր. հայերը շոշափելով գտել էին մրցակցի բոլոր թույլ կետերը և խփում էին ուղիղ նշանակետերին»:
Փոխարենը տեղական մամուլը թերահավատությամբ է խոսում Տրապատոնիի մասին:
«Վստահությունը, որով միշտ առանձնանում էր Տրապատոնին լրագրողների հարցերին պատասխանելիս, կարծես անհետացել է,- գրում է The Irish Independent-ը: Այժմ նա հիշեցնում է մի մարդու, որի ճակատագիրը կախված է մազից: Իրականում այդպես էլ կա»:
Կատեգորիա: Նորություններ | Դիտումներ: 649 | Ավելացրեց: Մեսսի2013