Իսպանական «Բարսելոնան» շարունակում է հետաքրքրվել իտալական «Միլանի» և Բրազիլիայի հավաքականի պաշտպան Տիագո Սիլվայի ծառայություններով: Հիշեցնենք, որ կատալոնական ակումբը ցանկանում էր ձեռք բերել ֆուտբոլիստին դեռևս ամռանը, սակայն Ֆաբրեգասին ու Ալեքսիս Սանչեսին գնելուց հետո, ֆինանսական խնդիրներ առաջացան թիմում: Վերջին շրջանում ավելի է մեծացել բրազիլացուն ձեռք բերելու ցանկաությունը, այն բանից հետո, երբ Կառլես Պույոլը հայտարարել է կարիերան ավարտելու մտադրության մասին: Նշենք, որ ֆուտբոլիստի տրանսֆերային արժեքը գնահատվում է 30 միլիո եվրո, հաղորդում է Mundo Deportivo-ն:
