Ռոբերտո Կարլոս. «Չավին հանճար է, ում չեն գնահատում»
Marca-ի հավաստմամբ, Մախաչկալայի «Անժիի» ֆուտբոլիստ-մարզիչ Ռոբերտո Կարլոսը գովեստի խոսքեր է ասել «Բարսելոնայի» կիսապաշտպան Չավի Հերնանդեսի հասցեին: Բրազիլացին հայտարարել է, որ Չավին Իսպանական ֆուտբոլի հանճարն է: «Բարսելոնան մեծ կախում ունի Չավիից: Եթե ցանկանում եք հաղթել «Բարսելոնային», ապա պետք է կարողանաք չեզոքացնել Չավիին: Չավին ինչ-որ բանով առավել է մյուսներից, սակայն մարդիկ նրան չեն գնահատում այնպես, ինչպես որ հարկն է»,- եզրափակել է Բրազիլացի պաշտպանը: