«Բարսելոնայի» ֆրանսիացի պաշտպան Էրիկ Աբիդալը հայտարարել է, թե երբ կթարմացնի իր պայմանագիրը ակումբի հետ: Այժմ նա դիտարկում է առողջության վիճակը: Աբիդալի առողջության կայուն լինելը կնպաստի նոր պայմանագրի ստորագրմանը: «Բարսելոնան համար մեկ ակումբն է աշխարհում, սակայն ես չեմ կարող ռիսկի դիմել և վտանգի առաջ կանգնել հանուն ֆուտբոլի: Ֆուտբոլը՝ ֆուտբոլ, սակայն անձնական կյանքի մասին մոռացությունը կկործանի ինձ»,- եզրափակել է ֆրանսիացի պաշտպանը: Հիշեցնենք, որ Աբիդալը վիրահատության է ենթարկվել և հեռացրել ուռուցքը:
