Այսօր Երևանի ժամանակով ժամը 02:00-ին կկայանա այս մրցաշրջանի արդեն երկրորդ էլ կլասիկոն: Նորից միմյանց կբախվեն Բարսելոնան և Մադրիդի Ռեալը: Հիշեցենք, որ առաջին խաղը անցել է դրամատիկ պայքարում, և ավարտվել 2-2 հաշվով: Սանտիագո Բեռնաբեու մարզադաշտում տան տերերը շատ ակտիվ սկսեցին հանդիպումը: 13 -րոպեին Բենզեմայի փոխանցումից հետո Մեսութ Օզիլը գրավեց Վիկտոր Վալդեսի պաշտպանած դարպասը(1-0): Գոլից հետո Ռեալը թուլացրեց ճնշումը, ինչից օգտվեցին կապտանռնագույները: Դավիդ Վիլյան շատ գեղեցիկ գոլով խոցեց Իկեր Կասիլյասի պաշտպանած դարպասը: Դրանից փոքր ինչ անց արդեն եկավ Լեո Մեսսիի ժամանակը: Մեսսին շրջանցելով Խեդիրային անցավ նաև Պեպեին և Իկերի ոտքերի արանքով գնդակը գլորեց դարպասը (1-2): Այսպես ավարտվեց առաջին խաղակեսը և թիմերը գնացին ընդմիջման: Երկրորդ խաղակեսում Մադրիդը զգաց, որ պետք է ամեն գնով չպարտվի այդ խաղում: Նրանք փոքր ինչ լուծեցին այդ խնդիրը 53 - րոպեին Պեպեի փոխանցումից հետո Չավի Ալոնսոն հաշիվը դարձրեց 2-2: Եվ ահա եկել է ժամանակը ցույց տալու, թե ով է Բարսելոնան: Ոչ ոք չի կասկածում, որ այսօր էլ կլինի գեղեցիկ խաղ, խախտումներ Ռեալի կողմից և այլն.. Չնայած Բարսան խաղալու է իր մարզադաշտում, բոլորը գիտեն, որ Մադրիդը գտնվում է ավելի լավ ֆիզիկական վիճակում, որովհետև Ռեալը մինչմրցաշրանի բոլոր խաղերը անցկացրել է մեկնարկային կազմով, իսկ Բարսան 3-րդ կամ 2-րդ: Փորձենք գուշակել թիմերի մեկնարկային կազմերը: Սկսենք հյուրերից: Ռեալի դարպասը անկասկած կպաշտպանի Կասիլյասը: Պաշտպանությունում կգործեն Սերխիո Ռամոսը, Պեպեն, Կառվալյուն և Մարսելոն: Կիսապաշտպանությունում կլինեն Չավի Ալոնսոն, Խեդիրան, Օզիլը, Դի Մարիան(Կոենտրաո), Իսկ հարձակվողները ամենայն հավանականությամբ կլինեն Ռոնալդուն ու Բենզեման:Իսկ հիմա Բարսելոնայի մեկնարկային կազմը: Այստեղ ամեն ինչ խճճված է. Դարպասապահը կլինի Վալդեսը: Պաշտպանությունում կլինեն Դանի Ալվեսը, Պիկեն, Մասկերանոն, Աբիդալը: Կիսապաշտպանությունում կգործեն Չավին, Ինիեստան, և Բուսկետսը կամ Տիագոն: Հարձակվողների եռյակը կլինի այսպես Վիլյա, Մեսսի, Ալեքսիս Սանչես: Վերջինս իրեն շատ լավ դրսևորեց անցած խաղում:Ինչևէ սպասենք խաղին և հավատանք, որ Սուպեր Գավաթը մերն է լինելու և, որ նորից Ռեալը չի կարողանա հաղթել Կամպ Նոու մարզադաշտում:
|
