Գլխավոր էջ » 2011 » Ապրիլ » 27 » Մասկերանո.«Կխաղամ Գվարդիոլայի ասած դիրքում»
16:27
Մասկերանո.«Կխաղամ Գվարդիոլայի ասած դիրքում»

Մեծ է հավանականությունը, որ «Բարսելոնայի» կադրային կորուստներ պատճառով կատալոնացիների կիսապաշտպան Խավյեր Մասկերանոն «Ռեալի» հետ  առաջին կիսաեզրափակիչը կսկսի կենտրոնական պաշտպանությունից: Ինքը' արգենտինացին, խոստովանել է, որ այդպիսի հեռանկարն իրեն չի շփոթեցնում:


Խոսեպ Գվարդիոլան չի կարող հույսը դնել Ադրիանոյի, Մաքսվելի  և Էրիկ Աբիդալի վրա: Սպասվում է, որ Կառլես Պույոլը ձախ եզրում տեղ կզբաղեցնի, քանի որ հենակետային կիսապաշտպան Մասկերանոն պաշտպանության կենտրոնում տեղ կզբաղեցնի:


«Նախկինում ես արդեն խաղացել եմ այդ դիրքում թիմիս ընկերների վնասվածքների և Աբիդալի հիվանդության պատճառով: Կանեմ այն ամենն, ինչն ուժերիս սահմաններում է: Եթե մարզիչը համոզված է, որ ես կարող եմ  խաղալ պաշտպանության կենտրոնում, ես ուրախությամբ կխաղամ այնտեղ: Իմ խնդիրն է թիմին օգնել: Բոլորովին վերջերս «Ռեալին» պարտվեցինք երկրի գավաթի եզրափակչում, բայց հիմա մեզ այլ մակարդակի դիմակայություն է սպասվում»,-Մասկերանոյի խոսքերն է մեջբերում ՈՒԵՖԱ-ի պաշտոնական կայքը:

 Armsport.am

Կատեգորիա: Մամուլի ասուլիսներ և հարցազրույցներ | Դիտումներ: 553 | Ավելացրեց: ԲարսաՖան