Իսպանական Բարսելոնայի պաշտպան Դանիել Ալվեշը չի կասկածում, որ իր թիմին բարդ մրցավեճ է սպասվում Չեմպիոնների լիգայի` Շախտյորի հետ այսօր կայանալիք 1/4 եզրափակիչ հանդիպմանը, - փոխանցում է Sport.es-ը:
Բրազիլացի ֆուտբոլիստը չի կարծում, որ կապտանռնագույններին կհաջողվի առաջին իսկ խաղում լուծել կիսաեզրափակիչ դուրս գալու հարցը:
Չնայած նրան, որ ողջ աշխարհը արդեն վստահ է, որ Բարսելոնան հաղթանակ է տոնելու, պետք է ասեմ, որ դա ամենևին էլ այդպես չէ: Ես համոզված եմ, որ մեզ համար բարդ է լինելու, քանի որ Շախտյորը պատկանում է այն թիմերի թվին, որոնք կարողանում են ֆուտբոլ խաղալ: Այդ թիմի ֆուտբոլիստները սիրում են խաղալ գնդակի հետ և վերահսկել այն: Այս դիմակայության ճակատագիրը կորոշվի պատասխան հանդիպմանը, - հայտարարել է Ալվեշը:armsport.am
|
