 Իսպանական Բարսելոնայի հարձակվող Լիոնել Մեսսին La Nacion թերթին տված հարցազրույցի ժամանակ հայտարարել է, որ Արգենտինայի հավաքականը կցանկանար որոշ հարցերում նմանվել կատալոնացիներին: Ֆուտբոլիստի խոսքերով, ալբիսելեստեն դեռ երկար պետք է կատարելագործի իր խաղը, հաղորդում է championat.ru-ն:Սխալ կլիներ համեմատել Արգենտինայի հավաքականը Բարսելոնայի հետ: Բնականաբար, հավաքականում մենք փորձում ենք կրկնել այն խաղաոճը, որ հատուկ է Բարսային: Սակայն մենք բոլորովին վերջերս ենք սկսել այդ գործընթացը, և մեզ ժամանակ է հարկավոր մեր նպատակին հասնելու համար: Ցավոք, հավաքականի ֆուտբոլիստներին չի հաջողվում հաճախ հանդիպել, բայց մենք յուրաքանչյուր մարզում օգտագործում ենք առաջադիմելու համար, - ասել է Մեսսին:
|
