Անգլիայի հավաքականի և Արսենալի ֆուտբոլիստ Ջակ Ուիշիրը,Mirror-ին տված հարցազրույցում նշել է, որ անգլիական ընտրանու գլխավոր մարզիչ Ֆաբիո Կապելոն, իր սաներին ցուցադրում է Բարսելոնայի մասնակցությամբ հանդիպումներ, որպեսզի տեսնեն, թե ինչպես է պրեսինգ անում կատալոնյան ակումբը:
«Դիտում ենք Բարսելոնայի մասնակցությամբ հանդիպումներ, որպեսզի տեսնենք թե ինչպես է թիմը պրեսինգի ենթարկում իր մրցակիցներին: Փորձեցինք նույնն անել նաև Ուելսի հետ կայացած հանդիպմանը: Բարսելոնան աշխարհում լավագույն պրեսինգ գործադրող թիմն է և պետք է այդ թիմից սովորենք»,- մասնավորապես ասել է Ուիլշիրը:
