17:24 Աբիդալ. Չէի պատկերացնի, որ մարդիկ ինձ այսքան շատ են սիրում |
Բարսելոնայի պաշտպան Էրիկ Աբիդալը, ով վերջերս վիրահատության է ենթարկվել լյարդի ուռուցքը հեռացնելու նպատակով, խոստովանել է, որ նման աջակցության խաղընկերների կողմից չէր սպասում:
Ես երբեք չէի էլ պատկերացնի, որ մարդիկ ինձ այսքան շատ են սիրում, - ասել է ֆուտբոլիստը:
Երեկ Աբիդալին հիվանդանոցում այցելել են կատալոնացիների նախագահ Սանդրո Ռոսելը և փոխնախագահ Խոսեպ Մարիա Բարտոմեն: Նախատեսվում է, որ այսօր նրան կայցելեն Խոսեպ Գվարդիոլան, Անդոնի Սուբիսարետան, ինչպես նաև Կառլես Պույոլը, Վիկտոր Վալդեսը, Անդրես Ինյեստան և Չավին:
Բացի դրանից, Բարսելոնայի ֆուտբոլիստները Իսպանիայի առաջնության 29-րդ տուրի` Խետաֆեի հետ հանդիպումից առաջ (2:1) ակցիա են անցկացրել` իրենց աջակցությունը ցուցաբերելով Աբիդալին: Ֆրանսիացուն ուղղված խոսքերով մարզաշապիկներով խաղադաշտ են դուրս եկել նաև Ալմերիայի, Սպորտինգի և Էսպանյոլի ֆուտբոլիստները, փոխանցում է sports.ru-ն:
|
Կատեգորիա: Մամուլի ասուլիսներ և հարցազրույցներ |
Դիտումներ: 617 |
Ավելացրեց: M100
|
|