Goal.com-ի տեղեկատվության համաձայն, Արսենալը պատրաստ
է Բարսելոնային վաճառել թիմի առաջատար Սեսկ Ֆաբրեգասին, սակայն պայմանով,
որ կատալոնացիները ֆուտբոլիստի տրանսֆերի համար վճարեն 51 միլիոն եվրոյից
ոչ պակաս գումար:
Թե Բարսելոնան և թե Ֆաբրեգասը վաղուց են ցանկանում, որ այդ տրանսֆերն
իրականանա: Դեռևս անցյալ ամռանը, քիչ էր մնացել, որ գործարքը կայանար,
սակայն անգլիացիների ցանկացած գումարի հետ Բարսելոնայի ղեկավարությունը
չհամաձայնեց:
Նշվում է, որ տրանսֆերի կայացման համար լրացուցիչ ազդակ կարող է
հանդիսանալ այն հանգամանքը, որ Բարսելոնայի ներկայիս նախագահ Սանդրո Ռոսելը
լավ հարաբերությունների մեջ է Արսենալի ղեկավարության և Արսեն Վենգերի
հետ:
Հավելենք, որ Ֆաբրեգասը համարվում է կատալոնյան ակումբի ակադեմիայի սան,
իսկ Արսենալում հանդես է գալիս 2003 թվականից: Լոնդոնյան ակումբում,
ընդհանուր առմամբ, նա մասնակցել է 207 հանդիպման և դարձել 35 գոլի հեղինակ:
|