Գլխավոր էջ » 2011 » Մարտ » 18 » Marca. Բարսելոնան պետք է զգուշանա նաև Մխիթարյանից
17:05
Marca. Բարսելոնան պետք է զգուշանա նաև Մխիթարյանից
Իսպանական Marca պարբերականը շատ արագ է արձագանքել Չեմպիոնների լիգայի քառորդ եզրափակչի վիճակահանության արդյունքներին։ Վերլուծելով «Բարսելոնայի» հակառակորդին՝ պարբերականը նշել է «Շախտյորի» ուժեղ և ընդգծել ակնհայտ թույլ կողմերը։
Պարբերականը Դոնեցկի ակումբի արժանիքների շարքում է դասել գեղեցիկ, հարձակվողական ֆուտբոլը, ուժեղ, արագ գոտիները` ի դեմս Ռացի և Սռնայի, խորքից անակնկալ հարձակվող Մխիթարյանի և հարձակման սուր ծայրում գործող բրազիլացիների, որոնցից յուրաքանչյուրը կարող է գոլ խփել է։ Սրանք «Շախտյորի» դրական կողմերն են` ըստ պարբերականի։
Թերություններից Marca-ն ընդգծում է թիմի անփորձությունը։ Ամենաթույլ գոտին պարբերականը համարում է Հյուբշմանին հենակետային պաշտպանի դերում, որը չի հասցնում կատարել իր պաշտպանական գործողությունները։ Պյատովն անընդհատ թույլ է տալիս անհասկանալի սխալներ, դանդաղաշարժ Ռակիցկին և Չիգրինսկին ոչ միշտ են հասցնում արձագանքել տուգանայինում կատարվող գործողություններին... Այստեղ Marca-ն տեսնում է «Շախտյորի» հիմնական խնդիրները։
«Շախտյորի» գլխավոր աստղերը, ըստ պարբերականի, Դուգլաս Կոստան և Վիլիան են, որոնք ապահովում են տեխնիկապես ուժեղ և արդյունավետ խաղ։ Նրանց խաղամակարդակը (իսկ Marca-ն կարծում է, որ այս երկու ֆուտբոլիստների հետ ոչ մեկ չի համեմատվի Ուկրաինայի առաջնությունում) պետք է ինչ-որ կերպ լրացնի վնասվածք ստացած Ֆերնանդինիոյի բացակայությունը:
