Այն բանից հետո, երբ հայտնի է դարձել, որ Բարսելոնայի պաշտպան Էրիկ Աբիդալը լյարդի քաղցկեղ ունի,մի շարք ֆուտբոլիստներ Twitter-ում իրենց աջակցությունն են հայտնել ֆրանսիացի ֆուտբոլիստին, հայտնում է gazeta.ru-ն:
Կակա (Ռեալ). «Աստված իմ, ինչպիսի ցավալի լուր: Մենք կաղոթենք նրա համար: Աստված օրհնի նրան: Չհուսահատվես, Էրիկ»:
Անդրես Ինյեստա (Բարսելոնա).«Ես կցանկանայի իմ սերն ու աջակցությունը հայտնել Աբիդալին: Ամեն ինչ լավ կլինի: Նա արժանի է դրան»:
Կառլես Պույոլ (Բարսելոնա). «Չհուսահատվես, Աբի: Մենք քեզ հետ ենք: Դու ուժեղ ես և կկարողանաս հաղթահարել հիվանդությունը»:
Խերարդ Պիկե (Բարսելոնա).«Մենք սատարում ենք քեզ, Աբի: Դու կապաքինվես»: Սեսկ Ֆաբրեգաս (Արսենալ). «Մենք Աբիդալի հետ ենք և մաղթում ենք նրան ուժեղ լինել: Ֆուտբոլի համար սա շատ ցավալի լուր է»:
Քրիշտիանու Ռոնալդու(Ռեալ Մադրիդ). «Ես հույս ունեմ, որ ամեն ինչ լավ կընթանա, ու Աբիդալը նորից դաշտ կվերադառնա»: