Չեմպիոնների լիգայում, Բարսելոնայի սուպեր աստղ Լիոնել Մեսսին
շարունակում է իր արդյունավետ խաղը: Աշխարհի ամենահեղինակավոր ակումբային
առաջնության ընթացիկ խաղարկությունում նա, մասնակցել է ութ հանդիպման և իր
հաշվին գրանցել է նույնքան գոլ:
Երբ Չեմպիոնների Լիգայի վերջին երկու տարիների խաղարկությունների
լավագույն ռմբարկու դարձած Մեսսին շարունակում է նույն ընթացքը նաև այս
տարի՝ պարզ է դառնում, որ նա շատ առաջ կգնա այդ մրցաշարի բոլոր ժամանակների
լավագույն ռմբարկուների ցանկում: 23-ամյա ֆուտբոլային տաղանդը,
Չեմպիոնների լիգայում, ընդհանուր առմամբ, արդեն մասնակցել է 52
հանդիպումների և խփել է 33 գնդակը:
Նրա ցուցադրած արդյունավետությունն ուղղակի հիանալի է, քանի որ, միջին
հաշվով, ամեն մի խաղին բաժին է հասնում 0.63 գոլ: Միայն մեկ ֆուտբոլիստ է
կարողացել այդ ցուցանիշից բարձր արդյունք ցուցադրել. դա հոլանդացի Ռուդ վան
Նիստելռոյն է, ով 81 խաղում խփել է 56 գոլ (միջին հաշվով՝ 0.69 գոլ) և
լավագույն ռմբարկուների ցանկում գտնվում է երկրորդ հորիզոնականում:
Հավելենք, որ միջին հաշվով 0.50 գոլից ավելի, բացի Նիստելռոյից և Մեսսիից,
կարողացել են անցնել միայն Ինձագին և Դրոգբան:
Այժմ, արգենտինացին, լավագույն տասնյակում, ֆուտբոլին հրաժեշտ տված Մորիենտեսի հետ կիսում է 7-րդ և 8-րդ հորիզոնականները:
Չեմպիոնների լիգայի, բոլոր ժամանակների լավագույն ռմբարկուների տասնյակ.
1. Ռաուլ (Ռեալ, Շալկե) - 69 գոլ՝ 137 խաղում (միջին հաշվով՝ 0.50 գոլ)
2. Վան Նիստելռոյ (Էյնդհովեն, Մանչեսթեր Յ., Ռեալ) - 56 գոլ՝ 81 խաղում (0.69)
3. Թիերի Անրի - (Մոնակո, Արսենալ, Բարսելոնա) - 50 գոլ՝ 114 խաղում (0.43)
4. Անդրեյ Շևչենկո - (Դինամո Կ., Միլան, Չելսի) - 48 գոլ՝ 102 խաղում (0.47)
5. Պիպո Ինձագի ( Յուվենթուս, Միլան) - 46 գոլ՝ 81 խաղում (0.57)
6. Ալեսանդրո Դել Պիերո (Յուվենթուս) - 42 գոլ՝ 96 խաղում (0.43)
7. Լիոնել Մեսսի (Բարսելոնա) - 33 գոլ՝ 52 խաղում (0.63)
8. Ֆերնանդո Մորիենտես (Ռեալ, Մոնակո, Վալենսիա) - 33 գոլ՝ 93 խաղում (0.35)
9. Դիդիե Դրոգբա (Մարսել, Չելսի) - 32 գոլ՝ 61 խաղում (0.53)
10.Դավիդ Տրեզեգե - (Մոնակո, Յուվենթուս) - 29 գոլ՝ 58 խաղում (0.50)
Պաշտոնական գործընկեր` Gol-Bet.com