«Արսենալի» ավագ Ֆրանսեսկ Ֆաբրեգասը խոսել է Չեմպիոնների լիգայի 1/8 -րդ եզրափակչի «Բարսելոնայի» հետ պատասխան հանդիպման մասին, ասել է, որ պատրաստ է մասնակցել խաղին և խոստովանել է, որ զարմացել էր, երբ մարզման ժամանակ տեսել է վնասվածքից հետո ապաքինվող հարձակվող Ռոբին վան Պերսիին, և չի հերքել, որ հոլանդացին նույնպես կարող է մասնակցել խաղին։
«Սա շատ կարևոր հանդիպում է իմ թիմի համար, հանդիպում, որը արժանի է եզրափակչին, քանի որ երկու մրցակիցներն էլ գտնվում են շատ լավ մարզավիճակում։ Մենք պետք է մեր ֆուտբոլը խաղանք։ Մեզ համար դա շատ մեծ փորձություն է, բայց և հիանալի հնարավորություն ցույց տալ, թե ինչ կարող ենք մենք անել։ Պետք է մենք խաղանք, բայց միևնույն ժամանակ չպետք է տարածություն տանք Մեսսիին։ Անցյալ տարի հենց նրա խաղը որոշեց հանդիպման ելքը։ Բայց «Արսենալն» էլ լավ խաղացողներ ունի։ Օրինակ, Ուիլշերը, շատ տաղանդավոր ֆուտբոլիստ է։
Ես չեմ արագացրել իմ ապաքինվելը, որպեսզի կարողանամ մասնակցել այս հանդիպմանը։ Ես կարող էի դաշտ դուրս գալ արդեն շաբաթ օրը, սակայն չարեցի դա, քանի որ դեռ ամբողջովին պատրստ չէի դաշտ դուրս գալու։ Շատ զարմացել էի, երբ երեկ մարզման ժամանակ դաշտ դուրս եկավ Ռոբին վան Պերսին։ Ես համոզված էի, որ նա բաց կթողնի «Բարսելոնայի» հետ հանդիպումը։ Եվ դա խորամանկություն չէ Արսեն Վենգերի կողմից», - Ֆաբրեգասի խոսքերն է մեջբերում "AS"-ը։
|