Իսպանական «Բարսելոնա»-ի հարձակվող Լիոնել Մեսսին Sport.es-ին տված հարցազրույցում ասել է, որ անհամբերությամբ է սպասում Իսպանիայի գավաթի խաղարկության Մադրիդի «Ռեալ»-ի հետ կայանալիք եզրափակիչ հանդիպմանը:

«Ես, ինչպես և իմ բոլոր թիմակիցները, անհամբերությամբ ենք սպասում այդ խաղին: Հուսով եմ, այդ երեկոն բոլորի համար անզուգական կլինի. «Ռեալ»-ի և «Բարսելոնա»-ի մասնակցությամբ հանդիպումները չեն կարող շարքային լինել: Բնականաբար, մեր թիմի բոլոր խաղացողները միայն ու միայն հաղթանակ են ակնկալում»:

Հիշեցնենք, որ Իսպանիայի գավաթի խաղարկության եզրափակիչը կկայանա ապրիլի 20-ին Վալենսիայի «Մեստալիա» մարզադաշտում:

1in.am