Բարսելոնայի պաշտպան Դանի Ալվեշը խոսել է իսպանական ֆուտբոլում առկա ռասիզմի խնդիրների մասին: Ինքը ֆուտբոլիստը կարծում է , որ ռասիստական դրսևորումները հատուկ են երկրի հասարակության անկիրթ զանգվածին:Յուրաքանչյուր հանդիպմանը ես ստիպված եմ լինում բախվել ռասիզմի հետ, - ասել է 27-ամյա պաշտպանը Folha de Sao Paulo-ին, - ֆուտբոլասերները հաճախ ինձ կապիկ են անվանում, բայց ես չեմ վիրավորվում: Երբ առաջին անգամ Իսպանիայի առաջնությանը հայտնվեցի դաշտում, ապշած էի, բայց այժմ մեծ ուշադրություն չեմ դարձնում դրան: Թեև իմ ընքանիքը ոչ մի կերպ չի կարողանում ընդունել այն փաստը, թե ինչպես են վերաբերվում ինձ երկրպագուները: Բայց ես փորձում եմ չմտածել այդ մասին: Պարզապես կարծում եմ, որ ինձ վիրավորող մարդիկ անկիրթ են: Ակումբներն ու լիգան փորձում են ամեն կերպ պայքարել այս երևույթի դեմ, սակայն ռասիզմը Իսպանիայում անվերահսկելի է:
|