 Երեկ կայացան Իսպանիայի գավաթի կիսաեզրափակչի պատասխան հանդիպումները, և
ինչպես սպասվում էր՝ եզրափակչի ուղեգիր վաստակեցին իսպանական ֆուտբոլի
գրանդերը՝ Բարսելոնան և Ռեալը, որոնք հաղթանակի հասան համապատասխանաբար
Ալմերիայի (0-3) և Սևիլիայի (2-0) նկատմամբ:
Վերջին անգամ երկու գրանդները գավաթի եզրափակիչում հանդիպել են 21 երկար
ու ձիգ տարիներ առաջ՝ 1990 թ., որում 2-0 հաշվով առավելության է հասել
կատալոնյան ակումբը: Իսպանիայի գավաթում, վերջին անգամ, Մադրիդի Ռեալը հաջողության է հասել
1992/93 թթ. մրցաշրջանում: Դրանից հետո, Արքայական ակումբը, երկու անգամ
հայտնվել է եզրափակիչում (2001/02 թթ., 2003/04 թթ-), սակայն չի կարողացել
հաղթել մի դեպքում Դեպորտիվոյին, իսկ մյուսում՝ Սարագոսային: Բարսելոնան, վերջին անգամ, նվաճել է Իսպանիայի գավաթը 2008/09 թթ.
մրցաշրջանում: Երկու թիմերի՝ Իսպանիայի գավաթում ունեցած հաջողությունների վիճակագրությունն
այսպիսին է. Բարսելոնան նվաճել է այն 25 անգամ, իսկ Ռեալը՝ 17: Կատալոնյան
ակումբը եզրափակիչում պարտություն է կրել 9 անգամ, իսկ Ռեալը՝ 19: Իսպանիայի գավաթի եզրափակիչը տեղի կունենա ապրիլի 20-ին, սակայն դեռևս
պարզ չէ, թե որտեղ:
| 
