Իսպանիայի առաջնության գործադիր տնօրեն Ֆրանսիսկո Ռոկա Պերեսը պատմել է, թե առաջնության թիմերի միջև ինչպես են բաշխվում հեռարձակումներից ստացած գումարները:
«Պրիմերայի բոլոր ակումբների եկամտի կառուցվածքը միանման է' հեռարձակումների իրավունքի վաճառք, տոմսեր, հովանավորչություն: Իսկ եկամուտները բոլորի մոտ շատ տարբեր են: Օրինակ, երկու առաջատար ակումբները ' «Ռեալը» և «Բարսելոնան», որոնց տարեկան բյուջեն գերազանցում է 400 միլիոն եվրոն, «Media Pro» ընկերությունից, որը Իսպանիայի առաջնության խաղերի հեռարձակման իրավունքներ ունի, տարեկան ստանում են 135 մլն եվրո: «Վիլյառեալը», «Սևիլյան», «Վալենսիան» և դրանց կարգի ակումբները ստանում են փոքր-ինչ քիչ' մոտ 25 մլն եվրո: Ամենաքիչ եկամուտն ունի «Ռասինգը»' ընդամենը 12 մլն»:
«Գլխավոր խնդիրն այն է, որ եկամուտների անհավասարության պատճառով իսպանական պրիեմերան բոլորովին միատարր չէ: Գոյություն ունեն, կոպիտ ասած, «Բարսելոնան» և «Ռեալը, ովքեր իրենց մեջ են խաղարկում չեմպիոնությունը, և մնացած ակումբները, ովքեր նման պայմաններում տիտղոսի մասին անգամ չպետք է մտածեն: Եթե այդպես շարունակվի, առաջնության' իբրև մրցման նկատմամբ հետաքրքրությունը կսկսի նվազել: Դա էլ իր հերթին կոմերցիոն վնասներ կբերի, ընդ որում նաև հենց «Բարսելոնայի» և «Ռեալի» համար»:
Երկու տարի է' մենք «Բարսելոնայի» և «Ռեալի» հետ մենք շատ բարդ բանակցություններ ենք վարել'փորձելով համոզել նրանց, որ Իսպանիայի առաջնության շահերից ելնելով, նրանք կամավոր պետք է հրաժարվեն հեռուստատեսային իրավունքներից ստացվող իրենց եկամուտների հինգերորդ մասից, որը կբաժանվի «փոքր» ակումբների միջև: Դա մեզ կարծես թե հաջողվել է: Համաձայնության նախնական պայմանագիրը առաջնության 12 ակումբների միջև է կնքվել: Որոշումն ուժի մեջ կմտնի 2013/14 մրցաշրջանից»,-Ռոկե Պերեսեի խոսքերն է մեջբերում «Սպորտ Էքսպրեսը»:
armsport.am