«Բարսելոնայի» մարզիչը մտածում է այն մասին, թե ինչպես օգնի իր հարձակվողին, որը երկար ժամանակ չի կարողանում գոլի հեղինակ դառնալ: Այս մրցարջանում Բոյանը 16 հանդիպում է անցկացրել կատալոնական ակումբի մարզաշապիկով և ընդամենը երեք գոլ է խփել: Ինքը՝ Կրկիչը, նույնպես հիասթափված է նման արդյունավետությունից, տեղեկացնում է El Mundo Deportivo-ն: Իսպանիայի գավաթի խաղարկությունում «Բետիսից» կրած պարտությունից հետո Բոյանն ասել էր հետևյալը. «Անձամբ ես ուրախ եմ, որ օգնում էի պաշտպանությանը և գնդակ չէի կորցնում», բայց նրա դեմքից երևում էր, որ նա շատ է տխրում գոլեր չխփելու պատճառով:

Պեպ Գվարդիոլան փորձում է ֆուտբոլիստին պաշտպանել լրատվամիջոցների քննադատությունից և մտադիր է անել հնարավոր ամեն ինչ, որպեսզի վերադարձնի ֆուտբոլիստի լավագույն մարզավիճակը. «Ես կանգ չեմ առնի, քանի դեռ նրան չեմ դարձնի լավագույն ֆուտբոլիստ»,- վճռական է տրամադրված Գվարդիոլան:

TotalFootball.am