Բարսելոնայի գլխավոր մարզիչ Պեպ Գվարդիոլան առանձնապես չի տխրել Իսպանիայի գավաթի քառորդ եզրափակչի Բետիսի հետ պատասխան հանդիպման ժամանակ կրած պարտությունից
:
Կատալոնացիները անդալուզյան թիմին պարտվել են 1:3 հաշվով, բայց երկու խաղերի հանրագումարով դուրս են եկել կիսաեզրափակիչ:
Ես գոհ եմ, որ մենք դուրս եկանք երկրի գավաթի խաղարկության հաջորդ փուլ, քանի որ հաղթանակը տոնվեց շատ ուժեղ մրցակցի նկատմամբ: Երբ մենք Բետիսի խաղն ենք վերլուծում, հասկանում ենք, որ իսկապես մեզ համար հեշտ չի եղել: Ճիշտ է, մենք խոշոր հաղթանակի հասանք առաջին խաղում, սակայն պարզ գիտակցում էինք, որ պատասխան հանդիպմանը նույն կերպ պետք է պայքարեինք: Կցանկանայի շնորհավորել Բետիսին, քանի որ դա շատ լավ թիմ է: Չգիտեմ, համարվում է նա արդյոք լավագույնն այն թիմերի մեջ, ում հետ մենք հանդիպել ենք երկրի գավաթի խաղարկության ժամանակ, սակայն անկասկած նա լավագույններից մեկն է,-ասել է Գվարդիոլան: