«Բարսելոնայի» ֆուտբոլիստ Խերարդ Պիկեն հերքել է այն լուրը,թե ինքը հանդիպում է կոլումբիացի երգչուհի Շակիրայի հետ։Նրանց հնարավոր սիրավեպի մասին լուրերը տարածվել են, այն բանից հետո, երբ Շակիրան հայտարարել է, թե բաժանվել է իր ընկերոջ՝ Անտոնիո դե լա Ռուայից, Արգենտինայի նախկին նախագահ Ֆերնանդո դե լա Ռուայի որդուց, որի հետ հադիպում էր 11 տարի։ Ականատեսները նկատել են, որ նրանք բաժանվել են մեկ ամիս անց այն բանից հետո, երբ Շակիրային և Պիկեին տեսել են միասին ՀԱՀ-ում, որտեղ կայացավ աշխարհի առաջնությունը։ Այնտեղ Պիկեն Իսպանիայի հավաքականի կազմում դարձավ աշխարհի չեմպիոն, իսկ Շակիրան կատարում էր առաջնության հիմնը՝ «Վակա-Վակա» երգը։
Արդեն Ցյուրիխից վերադառնալուց հետո, որտեղ Պիկեն մասնակցում էր ՖԻՖԱ-ի «Ոսկե գնդակ» մրցանակաբաշխությանը, Բարսելոնայում ֆուտբոլիստին սպասում էին լրագրողներն այն հարցով, արդյո՞ք ինքը ինչ-որ կերպ ազդել է Շակիրայի և դե լա Ռուայի բաժանման վրա։ «Ես ոչինչ չգիտեմ դրա մասին, քանի որ նոր եմ վերադարձել Ցյուրիխից։ Միայն կարող եմ ասել, որ մենք ուղղակի ընկերներ ենք», - Պիկեի խոսքերն է մեջ բերում lne.es-ը։
armsport.am
