Գլխավոր էջ » 2010 » Դեկտեմբեր » 25 » Մեսսի. Ոսկե գնդակը կստանա կամ Չավին, կամ Ինյեստան
11:31
Մեսսի. Ոսկե գնդակը կստանա կամ Չավին, կամ Ինյեստան

Բարսելոնայի հարձակվող Լիոնել Մեսսին կարծում է, որ 2010թ. լավագույն ֆուտբոլիստ պետք է ճանաչվի նրա ակումբի խաղընկերներից մեկը` Չավին կամ Անդրես Ինյեստան: 


Մեսսին առանձնապես չի սիրում շփվել լրագրողների հետ, բայց, ժամանելով Արգենտինա, Լեոն չի կարողացել մերժել տեղի ԶԼՄ-ներին:


<<Անձամբ ինձ համար 2010թ. այդքան էլ վատ չստացվեց, թեև աշխարհի առաջնությանը մեզ չհաջողվեց հանդես գալ այնպես, ինչպես ես կցանկանայի, - ասել է Մեսսին, - այժմ ես մտադիր եմ 2011թ. Արգենտինայի հավաքականի կազմում նվաճել Ամերիկայի գավաթը, առավել ևս որ մրցաշարն անցկացվելու է  իմ հայրենիքում>>:

Լիոնելը նաև խոսել է այն մասին, թե ով է ավելի արժանի Ոսկե գնդակին: Ցուցակում երեք անուն է մնացել. Մեսսի, Չավի և Ինյեստա: Լեոն համեստորեն բացառել է իրեն հնարավոր թեկնածուների շարքից` հայտարարելով, որ Բարսայի նրա խաղընկերներն ավելի արժանի են այդ հեղինակավոր մրցանակին: <<Կարծում եմ` այս անգամ Ոսկե գնդակին կարժանանա Չավին կամ Ինյեստան>>, - Մեսսիի խոսքերն է մեջբերում goal.com-ը:

Հավելենք, որ կատալոնացիների երկու կենտրոնական կիսապաշտպանների առավելությունը Մեսսիի նկատմամբ պայմանավորված է Իսպանիայի հավաքականի հաղթանակով 2010թ. աշխարհի առաջնությունում: Ընդ որում այդ հաղթանակի գլխավոր "մեղավորներն" էին հենց Չավին և Ինյեստան:
Կատեգորիա: Նորություններ | Դիտումներ: 364 | Ավելացրեց: Jannnnnnn