Գլխավոր էջ » 2010 » Դեկտեմբեր » 24 » Կրոյֆ. Իմ ֆոնդին Բարսելոնան 100 000 եվրո է պարտք
10:21
Կրոյֆ. Իմ ֆոնդին Բարսելոնան 100 000 եվրո է պարտք

Բարսելոնայի նախկին մարզիչ  Յոհան  Կրոյֆը հերթական քննադատությունն  է հնչեցրել ակումբի հասցեին: Այս մասին հաղորդում  է  AS-ը:


Նշենք, որ հռչակավոր հոլանդացին հաճախ է սկսել քննադատել ակումբին այն բանից հետո, ինչ կապտանռնագույնների նախագահ դարձավ Սանդրո Ռոսելը: Վերջինս  Կրոյֆին զրկեց պատվավոր նախագահի կոչումից, որը նրան տվել էր նախկին նախագահ Ժոան Լապորտը: Ռոսելն իր դիրքորոշումը բացատրեց այն հանգամանքով, թե  դա հակասում է  ակումբի կանոնադրությանը: Դրանից հետո Կրոյֆն առիթ բաց չի թողնում քննադատելու  Ռոսելին:


Այս անգամ խոսքը Կրոյֆի հիմնադրամի մասին է եղել: Հիմնադրամն օգնում է բարդ ճակատագրով կամ անբարենպաստ ընտանիքների երեխաներին զբաղվել սպորտով: <<Իմ ֆոնդը Բարսելոնայի հետ պայմանագիր ունի: Համաձայն այդ պայմանագրի, նրանք մեզ պարտք են 100 հազար եվրո: Հենց այդպիսի գումար մենք պետք է ամեն տարի ստանանք ակումբից: Մենք նրանց զանգում ենք ամեն շաբաթ, սակայն պատասխան  չենք ստանում: Դրանք իմ փողերը չեն, դրանք երեխաների համար են նախատեսված>>, - ասել է Կրոյֆը
Կատեգորիա: Նորություններ | Դիտումներ: 372 | Ավելացրեց: Jannnnnnn