Անգլիական Արսենալ ֆուտբոլային ակումբի գլխավոր մարզիչ Արսեն Վենգերը ասել է, որ Բարսելոնան դժվար, բայց հաղթահարելի հակառակորդ է, տեղեկացնում է Արսենալի պաշտոնական կայքը։

Չեմպիոնների Լիգայի 1/8 եզրափակչի խաղարկության վիճակահանության արդյունքում  Արսենալը կհանդիպի Բարսելոնայի հետ։

<<Իմ արձագանքը շատ պարզ է. դա դժվար է, բայց հաղթահարելի արգելք, - հայտարարել է Վենգերը,- մենք ուզում ենք անցնել հաջորդ փուլ, և դրա համար մենք պետք է առավելության հասնենք հակառակորդի նկատմամբ։ Արդյո՞ք դժվար է դա։ Այո։ Հնարավո՞ր է։ Այո>>։

Վենգերը ասել է, որ դեռ շատ վաղ է խոսել այդ հանդիպման մասին, քանի որ դեռ երկու ամիս կա մինչ այդ խաղը։

Չեմպիոնների Լիգայի 1/8 եզրափակչի Արսենալ - Բարսելոնա հանդիպումը կանցկացվի փետրվարի 15-ին, իսկ պատասխան հանդիպումը տեղի կունենա մարտի 8-ին։